بلوچ و اوفتا ڈہیہ




بلوچ و اوفتا ڈہیہ

کتاب ۔ بلوچ اور اُن کا وطن 

مصنف ۔ فاروق بلوچ

براہوئی مٹ و جاچ ۔ اختر بلوچ 

بلوچ راج ئنا باروٹ بھاز انگا نوشتکار آک نوشتہ کرینو ہندن کہ یونانی، عرب، ایرانی، روسی، برطانوی,، افغان و بلوچ نا جند ہم۔ ایرانی, ہندی, ترکمان, کرغز, عرب,شامی، کلانی, بساسانی تیان پارہ اُو ملنگ نا کوشست کرینو و نوشتہ ہم کرینو۔ نوشتکار آک سرپند مننگ نا اسل کوشست کتنو۔ بلوچ نئے پیشن نا بروک ئسے نئے اونا دافتون خاہوتی تعلقداری ئس ارے۔ و نئے اونا کوزہ گیر و شاہی خاہوت ئسے آن سیالداری ءِ۔ بلکن بلوچ داڑے مست زمانہ سیان اسہ متکنو راج ئسے و انداڑے مش ءُ جبل تیئٹ جاگہی او۔
آریا جلہوکار آتیان مست ہندوستان و ایران نا نیام ئٹ آباد برسا او۔ ہرا علاقہ غا تیئٹ قبائلی دروشم ئٹ برسا او پیشن نا زور و طاغت ئٹ پنسا و پدا جنگ کرسا کیک۔ ہندنکہ ایرانی, یونانی, عرب, ساسانی, ہندی,منگول,غزنوی,آل بویہ و برطانیہ تون جنگ کرسا او تینا ڈغار ءِ رکھیسہ کرینو۔ ہراکان بلوچ قبائل آتے بھاز نسخان رسینگانے۔ ہندا سوب آن نوشتکار آک بلوچ آتے مشی, خلقی , بےاُرا نا پن تسنو و پارینو۔ ولے دا دوبہ غاک جلہوکار آتیان افس۔ ولے او وخت بلوچ آک تینا راج و دود ربیدگ کن مزاحمت ءِ برجا تخاسر۔ 1410 ء ئٹ کمبرانی بلوچ (میروانی۔احمدزئی) آک منگول حکومت نا ایسر مننگان گڈ تینا حکومت نا بنداو ءِ تخک ہراکہ 1948 ء ئٹ ایسر مریک۔
برطانیہ نا وخت ئٹ بلوچ دیہاڑ ءِ بھاز نسخان رسینگک۔ ولے افسوز ننا نوشتکار آک انگریز نا گڑاتے/کتاب آتے ہرسہ و نوشتہ کرسا کرینو ہراکہ تیوہ دروغ ءُ ۔ کوزہ گیر مدام دیہاڑ نا زی آ بھسکاری کیک ہندا وڑ داڑے انگریز Divide and Rule نا دروشم ءِ مونا ہتیک ہندنکہ براہوئی و بلوچی بولی تا پن آ بلوچ راج ءِ پرغنگ نا بناء ءِ کیک۔ عرب و ایران کوچ و بلوچ , یونانیک قبائل و جاگہ نا پن ءِ نوشتہ کرینو ۔ ولے دا راج تینا بہادری نا نشان ءِ کرمان, قندھار,بندرعباس,مشہد,پنجاب و دہلی ٹی چھاپ کرسا ءُ دیہاڑ داسکان شاہدی ایتک۔ ڈاکٹر صاحب دا کتاب نا مسخت بلوچ و اونا اصل وطن نا باروٹ نوشتہ کیک۔   

دا کتاب ٹی چھار سبخ ءُ :-
1- بلوچ :
لوز بلوچ ہمو راج ئکن ءِ ہرا اینو مسہ جاگہ غا بشخ کروک ءِ (ایران، اوغانستان، پاکستان) و پین علاقہ غا تیٹی ہم آباد ءُ ۔
بلوچ نا نسلی گواچنی نا زی آ غٹ نوشتکار آک امنہ افس یا شاعری ئس ہرانو نوشتہ کرینو ۔ بلوچ آتا زی آ ہخس سیاسی و نسلی کتاب آک نوشتہ اریر غٹ اوار سوار و رد نوشتہ مروک ءُ ۔ 
  ۔M.Taylor & T.W WallBank. نوشتہ کرینو کہ بلوچ سامی نسل آنے ۔ پروفیسر رالنسو (Prof. Rawlinso) پاہک نمرود و کلدانی راج آن ءُ ، سردار محمدخان ہم ہندن پاہک، Sir T holdich پاہک دراوڑ آن ءُ ، Dr Below پاہک تاجک ءُ و پین چندیک ہم نوشتہ کرینو ۔دا غٹ لیکہ غاتے رد پاہک۔ دافتا کل دور آن ثبوت آتے دا کتاب ئٹی نوشتہ ڈاکٹر صاحب۔
بلوچستان مہرگڑھ تہذیب ہراکہ 10000_11000 سال مُست ئنا ءِ ہموتم قلات, نال,خضدار,بیلہ,گوادر,کیچ, پسنی ٹی ہم بلوچ آک مسنو و دا تجارتی ءُ جاگہ ہم ئسر۔ ہرا دراوڈ ءِ 4000_6000. ہندن عراق 8000_10000 متکن ءِ ۔  
شاہنامہ فردوسی نوشتہ کیک پین شاعری تے پاہک بولان و سیستان ئٹ ناہروٸی قبیلہ نا باروٹ۔ ہیٸرڈوٹس قباٸل آتا پن تے نوشتہ کرینے۔ دا ہڑتوما چلتن اسکان ہم نوشتہ کرینو۔ 
گل خان نصیر نوشتہ کیک بلوچ نوشروان نا ظلم آن گڈ ہمپیر (ہجرت) سیستان,ماراپ,خاران, جھالاوان برزکوہی آ بسر ہندا لوز پدا براہوہی جوڑ مسک۔ ایلو طائفہ دجلہ فرات,حلب پدا سردار جلال خان نا دورٹ 44 قبائل مکران آ بسر۔ ملک صالح لہڑی, پروفیسر محمد اشرف, شاہین قیصرانی ہم دانا حامی (پارہ) ءِ ۔

2-بلوچ وطن :- 
ساڑی آ وخت ئٹ بلوچستان مسہ جاگہ غا بشخ کروک ءِ ہندنکہ شکارپور, جیکب آباد و کراچی سندھ، ڈیرہ غازی خان و راجن پور بنچاب ٹی ۔ گڑاس نقشہ ہم کتاب ئٹ اریر۔ 1933 ٹی عزیز کرد درست نقشہ ءِ پائک۔ بھاز انگا نوشتہ کار آک 3,40,000 رقبہ ہرا مسٹ آ ملک ئٹ ٹکر ءِ نوری نصیر خان بلوچ ڈغار ء درست پاہک و ہندا نا زی آ کل امنہ ءُ ۔ ہندن پاننگک کہ مست داڑے بلوچ قبائل آتا پنک و بلوچستان اراتم پارینو؟ گڑاس خیال دادے کہ معاہدہ قلات 1758 آن گڈ بلوچستان پاننگانے ولے ہراتم پاننگانے تو مدام بلوچ آتا مسنے۔ آرین جلہوکار آتیان مست بلوچ قبائل آک بحیرہ ہیرکانیہ آن ساحل مکران, و بولان جھالاوان آن ہلیس کرمان اسکان خن ٹی بریرہ۔ نوری نصیر نا حکومت اسکان 3,40,000 رقبہ ئس, پدا 1810_1890 خداٸیداد خان نا دور اسکان بھاز انگا جاگہ غاتے آ ٹکر مس۔ پین بلوچستان ئٹ شمال و مشرق ئٹ پشتون قبائل ہرا کچلاک آن افغانستان اسکان ہرا عبداللہ خان قہار نا دورٹ بلوچستان نا بشخ مسر۔ بلوچستان نا مد , دریاب, سبزی, فروٹ، جنگلی وغیرہ تا باروٹ نوشتہ کرینے ۔
 
3-معدنی وسائل :-      
بلوچستان ئٹ مش بھاز ءِ ولے جنگل و دیر نا بھاز کمبوتی ءِ۔ خزانہ ئٹ دا علاقہ پر ءِ۔ ہندنکہ قدرتی گیس, تیل, کوٸلہ, خیسن, چاندی, گندھک,سیسہ,کروماٸیٹ, جپسم, ریت وغیرہ پاننگک کہ 510 وڑ ئنا معدنیات بلوچستان نا وسائل ئٹ ارے۔

4-بلوچستان نا سیاسی وخت آتا چنکو #پس منظر ئس:-
بلوچستان نا ہر چارنگا کنڈا مِشک شاہدی ایترہ کہ دا ڈغار اسہ وخت ہم نیست متنے۔ ہندنکہ مہرگڑھ شاہد ءِ۔ بلوچستان ئٹ ہر وڑ ئنا تہذیب آک ، راج آک و جلہو کروکو ڈغار ئس مسنے اوفتا مقابلہ مدام بلوچ آتون مسنو۔ گڑا 1410 منگول حکومت ایسر مریک۔ ولدا بلوچ نا حکومت ہرا 1948 اسکان ءِ۔ 1758 معاہدہ قلات(عدم مداخلت) مریک بلوچستان اسہ آذاد او ریاست ٸس تسلیم (مننگِّکہ) مریک۔ 1839 ئٹ انگریز کوزہ کیک۔ دا سوب آن کہ روسی, جرمنی,او فرانس برو و ننا ہند ئنا کوزہ تے ایسر کرور۔ داڑے انگریز ہر وڑ ئنا چم ، دروہ و سودابازی کرسا کیک ۔ ننے پرغنگ کن ہر وڑ ئنا گام ارفک۔ ولے بلوچ مزاحمت کرسا کیک۔
ستمبر 1920 ئٹ آذربائیجان باکو ٹی دنیا نا مظلوم قوم اتا مُچی ئس مریک ۔اوڑے بھازا ریاست آتا بندغاک بسر ہندن بلوچستان نا کُنڈان پنچ بندغ مصری خان کھیتران نا سربراہی ٹی ہنار ہموتم بلوچستان اسہ آجو و ریاست نا پنٹ چاننگاکہ پین لینن ہم بلوچستان نا الس نا حمایت ءِ کرے ۔ ارٹمی جنگ جہاں نا مسک داڑے بھاز آ کوزہ گیر ریاست آک آجو مسر ۔ بلا طاقت وراک کل نزور مسر ۔ گڑا ہموتم بلوچستان ہم 12 اگست 1947 ئٹ آجو مریک۔ منہ وختان پد مارچ 1948 ئٹ دوارہ پاکستان بلوچستان نا زی آ کوزہ کیک۔

Previous Post Next Post