گلامی ءُ نسل پرستی

 


گلامی ءُ نسل پرستی

نبشتہکار : ڈاکٹر مبارک علی
چمشانک: ظفر بلوچ 

ڈاکتر مبارک علی ءِ اے کتاب گلامی ءُ نسل پرستی چوناها گلامانی زند ءُ آیانی سرا کٹمی تاسب ءُ گلامانی گہگیری سرا انت۔ ڈاکتر ساھب نبشتہ کنت کہ راجدپتر تہ ءَ ھر وھد ءَ یک اداره ءِ ودی بوتگ ءُ آئی ءَ یک تبک ءِ ٹولی ءِ یا ٹکّ ءِ نپ ءُ سیت پرُ کتگ اَنت اوں وھد ءِ آئی ءِ زلورت ھلاس بنت گڑاں تنها آئی ءِ کسہ ایر بنت۔

اے وڑیں ادارهانی وانگ ءِ چے زلورت؟باریں اے وڑیں ادارهاں گوں انسانانی درد مندی بیت؟ اے سوال گلامانی اداره ءِ بابت ءَ گوشگ بوت کنت ھمے وڑ گلامانی گوما بوتہ وھد ءِ کہ ھاکم تبکاھاں ایشی ءِ زلورت بوتگ ات گڑاں ھمے وھد ءَ ایشی ءَ را دستور (جائز) گشگ بوتگ اوں وھد ءِ کہ سر درد بیان بوت گڑاں آیانی واستہ مذهبی مڑائی(اخلاقی) ءُ انسان ءِ جزبات پیداک کنگ بوت۔
گلامی ءُ کٹمی تاسب ءِ مزنیں دیمپان اپریکہ ءِ مردم بوتگ اَنت پرچہ کہ رنگ ءِ بنیاد ءَ کٹمی پرستی ءَ ھتم کنگ ءِ واستہ ذهن بدل کنگ ءِ زلورت انت۔
کٹم پرستی ءُ گلامی ءِ سیادی گوں امپیریلزم ءَ اِنت یورپ ءِ راجاں وھدے ایشیاء، اپریکہ، امریکہ، آسٹريليا ءَ وتی نوآباتیات جوڑ کت گڑاں ایشان اسپیت ءِ کٹم ءِ لیکہ ءَ را وتی ایر دستی ءِ وسیلہ جوڑ کت۔
گلامی ءِ رواج دنیا ءِ مزن مزنیں دودمانانی تہ ءَ گندگ بوت اش اے گلام جنگ ءِ تہ ءَ گپتگیں کیدی بوتگ اَنت یا ھما گلام کہ آیاں ءَ زبردستی آوار جتگ ءُ بھا اِش کتگ اَت بادشاہان بگر داں ازگاریں مردم ایشانی بھا زرتگیں بوتگ اَنت۔
ھمے گلامان ءَ ایشان وتی (کارخانہ) کارجاہاں ءَ وتی لوگی کاراں، وتی جنگی کاراں آنی تہ ءَ کارمرز کتگ۔

گلامی ءُ امپیریلزم ءِ یکے دومی گوما پت ءُ چُکی سیادی بوتگ ھر وھد ءَ کہ یک راج ءِ یکجاہ بوت گڑا آیاں کمزوریں همسایگ ایں ملکانی سرا ارش کتگ ءُ اود ءَ چے گنجیں مال لوٹ اِت ءُ چیزانی ھمراھی ءَ انسان ھم وتی ھمراھی ءَ برت انت ایشان ءَ گلام جوڑ کت ءُ وتی کار کشت انت۔

ادا اے سوال ودی بیت کہ آ کجام جاور ءً ھال بوتگ اَنت ءُ کجام سوب بوتگ انت کہ ھمے گلام وتی واجاھانی ھبر ( ھکم ) ءِ زورگ ءَ مجبور بوتگ انت؟ 
ایشی ءِ مستریں سوب ایش ات کہ یک رندے ایشان ءَ کیدی یا آوار جنگ ءُ آرگ بوت گڑاں ایشانی ھما سیادی گوں ھما ٹک یا راج ءَ بوتگ ءُ آں کہ ھلاس بوت گڑاں اشاں وتارا بے واژہ لیک اِت اَت ءً وتی رکینگ ءِ وزّت ( پکر) کپتگ ءُ ترس ءِ آماچ بوتگ اَنت ھمے واستہ آنہاں وتی واجہ ءِ ھبر زرتگ انت۔
ایشان ھما وھد ءَ بے رھمی ھبر کپت کہ وھدے گلام ءِ ھمراھی کار کنگ ءَ بوتگ اَنت آیاں ءَ ھمے سما دات ءِ کہ ما ھر وھد ءَ شمئے سرا چاری اوں ، ھیالداری کنگ ءَ اوں ھمودا تاں رومی سلطنت ءِ تہا اے کانود است ءَ اگاں یک گلام ءِ وتی واجہ ءَ بہ کوشت ایں گڑاں سرجمیں گلام کشگ بوت انت۔ سجائیں نا چے گیش گلامی ءِ دیمپان بوؤکیں براعظم اپریکہ بوتگ ایشی ءِ سوب بوت کنت ایشانی رنگ ءُ ایشانی جسم ءِ ڈول ابکہ بوؤگ ءِ سوب بوتگ ءُ مردماں وتی چاگردی نام ءِ واستہ اپریکہ ءِ گلام بھا ءَ زرتگ اَنت
رودراتکی نیمگا ءُ برصغیر ءَ ایشانی مزنیں لوٹ بوتگ 
بلے اپریکیانی گیشتر بے رھمی یورپیاں کتگ بندات ءَ یورپیاں اپریکہ وتی نوآباتیات جوڑ کنگ بندات کت کہ بلکیں ایشانی کدرتی وسیلہ آنی لُٹ پُل کت بہ کناں بلے انچوش کہ نوکیں دنیا ءِ درگیجگ بیت گڑاں ایشان اپریکہ یل کت ءُ چون نوکیں دنیا ءَ لوٹ مار بہ کنیں ھمے جیڑگ ءَ بوتاں۔
انچوش گوشنت کہ 1820 ءَ داں یازده ملین اپریکہ ءِ گلام نوکیں دنیا ءَ آرگ بوت آں گلامانی ھمکس ایں مزنیں رؤگ سوب ءَ چِہ اپریکہ راجکاری، روزیگی ءُ چاگردی زند ءِ سرا مزنیں اسرے کپت۔ 1811 چے بگر داں 1870 109 ملین اپریکی گس ءَ چِہ زِبار کنگ بوتگ انت لوٹ مار واستہ پہ اپریکہ ءَ رائل نائجر کمپنی، برٹش ایسٹ کمپنی، برٹش ساوتھ اپریکہ کمپنی ءُ فرانسیسی ءُ جرمن کمپنی جوڑ کنگ بوتگ انت۔
 گلامی ءِ جیڑا ءَ یک کرنی ءَ داں ھمے واستہ سرگواز کنگ بوتگ کہ ایشی تہ ءَ روبرکتی دنیا ءِ چاگردی روزیگی(معاشی) ءُ راجکاری نپ بندوک بوتگ ات آں ھمے جیڑا ءِ سرا 1870 ءَ زور دیگ بندات بوتگ ءُ یورپ ءَ گلامانی ھلاپ ءَ زرمبش چست بوت ءُ برطانیہ ءِ پارلیمنٹ ءَ ایشی سرا مڈی ( جرمانہ/ چَٹّی) ایر کنگ بندات کت دانکہ گلامانی سوداگری دارگ بہ بیت۔
 گلامانی تہ ءَ شریں بدلی ھما وھد ءَ اتکگ کہ وھد ءِ میان استمانی جنگ ءَ ایشانی نوآباتیات ءِ زور کمزور کت۔ البت گلامانی راجدپتر ءِ تہ ءَ سک باز گہگیری است انت بلے ھمے گہگیریاں ءَ ھاسیں ارزشت دیگ نہ بوتگ ایشی ءِ سوب ایشانی تہ ءَ گیشتر ابرمی (غیر معمولی) بوتگ اَنت ایشانی جُپت ءَ تنها بس ہمے گپ ءُ مارشت ودی کنگ بوتگ کہ یک لکھ ءِ کچ ءَ گلاماں بہر زرتگ۔
 ایشانی تہا رُوم یانی دؤر ءَ یکیں اسپارٹیکس ءِ نامداریں گہگیری ءِ زانگ بیت۔ سیمی گہگیری 1790 ءِ کرن ءَ فرانسیسی کالونی ڈمینک ءَ بوتگ ات۔
 لہتیں میتگاں کار ءِ ھاتر ءَ مزنیں کچے ءَ گلام آرگ بوتگ ات انت اِد ءَ تاں ایشانی کساس چہ اسپیت پوشیں مردماں چے ھم گوست انت وھد کہ ایشان ءَ ھمے سما بوت گڑاں ایشانی تہا تاکت ءُ اوست پیداک بیت۔ ایشانی تہا دو دروشم ءِ گہگیری بوتگ۔
 ھاموشیں گہگیری ( کار کنگ ءِ وھد ءَ کاری سِلاہ ءُ ساز سامان پروشتگ انت)
 تچگ ءُ گہگیری کنگ یا ناگمان بند کنگ (اچانک حمله) 
 گہگیری ءَ رند آ سک دوریں میتگاں جاہ مانِند بوتگ اَنت 
 ھمیشی ءَ را میرون گشگ بوتگ پہ درور امریکہ ءِ زربار ءَ می٘نیں (دلدلی) میتگاں جاہ مانند بوتگ اَنت ءُ اود ءُ سبزیں زمین ءُ آپ باز بوتگ گوریلا جنگ ءِ ازم ءِ پجیگ ءَ آ میرون اسپیت پوشیں واجہانی واستہ مزنیں چکاس بوتگ اَنت چیاکہ اے گلامانی سرسوبی ءُ آیانی پروش ءِ زندگیں چیگ بوتگ اَنت۔ ایشی سرا الکس ہیلی ءِ نبشتہ کتگیں کتاب روٹس باز نامی انت۔
Previous Post Next Post